حملة نتغير بجد ( يلا كلنا نتغير بجد ) متجدد

**shimomisho** · منذ 4 أسابيع

الحلقة التالته
(توب وربنا هيتوب عليك)
+عامل ايه دلوقتى مع ربنا؟
=اسكت ..اشتغلت شويه وكل
شويه افتكر الذنوب اللى عملتها
واقول ازاى ربنا هيغفرها لى
+خلى بالك ده شيطان عاوز
يخلى كل اللى عاملته
تهده بايدك تانى
+و ماتنساش الحوار اللى حصل بين
الله عز وجل
و الشيطان لعنه الله
لما كان الشيطان
خارج من الجنه بقول
لربنا
(وعزتك وجلالك لاغوينهم اجمعين
وربنا بيرد عليه وبيقوله
وعزتى وجلالى لاغفرن لهم ما دامو
يستغفروننى)
ايه رأيك !!
=يعنى ده شيطان عاوز يبعدنى
عن ربنا
+وربنا بيقول لو استغفرته هيغفر لك
=ماشى ندخل فى حلقة النهارده
+ماشى
3..2..1..
+السلام عليكم
=وعليكم السلام
+حلقتنا النهارده عن ازاى نتوب
+فى البدايه ..
نعرف ايه اللى بيحصل حولينا
كل يوم
ان الله ينزل الى السماء الدنيا كل
يوم فى الثلث الاخير من الليل
ويقول
هل من مستغفر فأغفر له
هل من تائب فأتوب عليه
هل من داع فأستجيب له
(انت فين بقى فى الوقت ده)
=..........
+وخلى بالك ان الله ينزل الى
السماء الدنيا
بالنهار ليتوب مسئ الليل
وبالليل ليتوب مسئ النهار
(والله مالكش حجه)
= ايه ده ... بقى الفرص
دى موجوده قدامى وانا مش اخد بالى
+وخلى بالك
ان ربنا من اسمائه
التواب وليس التائب
عارف ليه
=ليه ..؟
+لان لو ربنا اسمه التائب
لو عملت معصية وتبت هيتوب عليك
مرة واحده بس
ولكن اسمه التواب يعنى مهما تتوب
هيتوب عليك
انه الله
=ونعم بالله
+وخلى بالك ربنا مش هنقص
من ملكه شئ لو ماغفرلكش
ومش محتاجلك فى حاجه
ولكن..
=انا اللى محتاجه ..عارف
=بس ماعرفش هو هيقبلنى
ولا لا
+طب بص لو انت عاوز تتوب بجد
وبصدق من قلبك
هيتوب عليك
وما تنساش ان
الله كريم جدا
واكبر من ذنوبك
لذلك ادعى
اللهم ان ذنوبى عظيمة ولكن
عفوك مغفرتك اعظم فاغفر لى وتب على
صدقنى لو انت عاوز تتوب بجد
روح لربنا واترجاه وربنا
بيستحى ان يردك وانت خائب فى دعائك
وثق بالله ومالكش دعوه
وبس ...
=ايه ده حلقة النهارده
قصيرة جدا
+انا عارف لان ما يتضمنه حلقة النهارده
كله قلته ومن الاخر
صلى ركعتين توبة وادعى فيهم
وثق فى الله
وما لكش دعوة وسيب الباقى على الله
=طب وحلقة بكره هتبقى عن ايه؟
+ان شاء الله
هتبقى ازاى تلحق نفسك من النار
مش كده وبس
=امال ايه
+برده عن ازاى تحرم جسدك على النار
وازاى تخلى النار تتدعى ربنا
انه يبعدك عن النار
الى اللقاء فى
الحلقة الرابعه
من
حملة
(هنتغير بجد)

**Š Λ м ờ** · منذ 4 أسابيع

اللهم ان ذنوبي عظيمة ولكن عفوك ومغفرتك اعظم

فاغفر لي وتب علي

رائعة يا شيمو الحلقة الثالثة

وجميل اوي الاسلوب المبسط في الحديث

بس برضو يا جماعة احنا عايزين تفاعل اكتر من كدا

تسلم ايديكي يا شيمو على الكلام الجميل دا

وربنا يتقبل منك ويجعلها في ميزان حسناتك يارب

في انتظار الحلقة الرابعة

تقبلي مروري

**shimomisho** · منذ 4 أسابيع

ميرسي ع مرورك وتشجيعك

نورت

**shimomisho** · منذ 4 أسابيع

الحلقة الرابعة
(اخرج نفسك من النار)

+عامل ايه؟
=تمام ..
بصراحة انا بدأت اتغير بجد
مش عارف عندى احساس بأنى
لسه داخل الاسلام
+ابشر اوعدك بالتغير
وان شاء الله
نحقق شعارنا
وندخل الجنه سوا
=ربنا يسهل
+وخلى بالك
(ان الله لا يغيرما بقوم حتى يغيروا ما بأنفسهم)
يعنى مش انت اللى هتغير نفسك
انت هتغير ما بنفسك
والفرق كبيير
يعنى علشان تشوف حال قومنا
(امتنا )
احسن الاول تغير نفسك من جوه
=كلامك صح
=طب ممكن نبدأ
3..2..1
+السلام عليكم
=وعليكم السلام
+حلقتنا النهارده هدفها
نوريك ازاى ممكن تعتق نفسك من النار
بكل سهوله
=سهولة ايه

!!
=مش وسعت منك شويه

+ليه؟؟
=انت بتتكلم ازاى تطلع نفسك
من النار
مش من حديقة الحيوان
ولامن متاهة
دى النار
+طب ممكن اتكلم و
تسمع للاخر
=اتفضل
هقولك كذا طريقة وكل
طريقة تقولى ايه رأيك فيها
=ماشى اتفضل
(الطريقة الاولى)
+صلاة اربعين يوم فى جماعة
بشرط تكون تكبيرة الاحرام
بتتقال وانت فى الصف
=بس دى صعبه شويه
لان انا بصراحة
كل فين وفين لما بصلى
الفجر فى البيت اساسا
+ما تخفش فى اكتر من حلقة
هتتعمل عن الصلوات والفجر بالذات
(الطريقة التانيه )
+لو سيادتك حافظ القران بالكامل
او بتحفظه او ناوى
بصدق تحفظه بالكامل
ابشر انت معتوق من النار
=بقولك انا بدأت اقرب من ربنا
وانت عارف انا كان حالى مع ربنا ازاى
+برده حنعمل حلقه عن القران
هتبقى جامده جدا
(الطريقة التالته)
+لو قعدت تحاسب نفسك
وفاضت عينك من خشية الله
بس لسه برضه قلبى ما بقاش
طرى اوى علشان اطلع كل اللى فى قلبى
لربنا
+ربنا عارف كل شئ عنك من غير ما تقوله
ولكن امتى هتعترف بذنوب
(الطريقة الرابعة)
+تصلى قبل وبعد صلاة الظهر
4ركعات
=تصدق دى اسهلهم لحد لما
ربنا يسهلها
+و يا ريت تبدا بالتدريج
وان شاء الله تلحق نفسك من النار
وخلى بالك الحلق الجايه من اهم الحلقات
=طب عن ايه؟؟
+هتعرف بكرة..
+يلا
+السلام عليكم
=وعليكم السلام
...............
الى اللقاء فى
الحلقة الخامسة
من
حمله
(هنتغير بجد)

**Dark blue** · منذ 4 أسابيع

ماشاء الله عليكى

بجد حلقات اكتر من رائعة

ربنا يجازيكى خير شيماء

تسلم ايدك

**Š Λ м ờ** · منذ 4 أسابيع

الحلقة دي كانت جميلة اوي يا شيمو

بس جمالها هيزيد ان شاء الله بالحلقات الي جاية

تسلم ايديكي

**shimomisho** · منذ 4 أسابيع

ميرسي توتا & اسامة

ع مروركم الجميل

والحمد لله ان الحلقات عجبتكم

واستنو الحلقة الخامسة ان شاء الله

**aya_youyou** · منذ 3 أسابيع

انا مستنيه الحلقه الخامسه بفارغ الصبر والحلقات الى فاتت جميله اوى اوى

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق

حملة نتغير بجد ( يلا كلنا نتغير بجد ) متجدد

قسم السيرة الاسلامية ( Eslamic )