الحب الحقيقى

السلام عليكم .. انا يا جماعة عضوة جديدة فى المنتدى بصراحة المنتدى الوحيد اللى سجلت فيه عشان عجبنى جدا ....
انا عندى مشكلة انا بحب واحد هو جارى وبنحب بعض من خمس سنين وهو بيموت فيا وانا بمووووووت فيه .... هو اتغير علشانى وبقى بيعمل كل حاجة عشان يرضينى وانا بقيت كل حاجة فى حياته ... بس هو على قد حاله يعنى واهله ناس بسيطة وده مش مشكلة خالص بس المشكلة ان والده راجل اسغفر الله العظيم راجل وحش على طول بيعمل مشاكل مع الناس واخوه كمان نفس النظام بيشرب وبيحشش وبيخبط فى اللى يشوفه ادامه*
انا بقى بكلم حبيبى كل يوم فى التليفون وبلاقيه زهقان ومدايق عشان عايز يجيب شقة ومش معاه الامكانيات وبيقولى مش عاوز ياخد شقة ايجار عشان ميبهدلنيش معاه وهو بصؤاحة بيخاف خالص عليا بس ماما بتقولى انتى ازاى هتروحى وتعيشى مع ناس زى دول بتوع مشاكل واخوه كل يوم والتانى فى القسم وكدة ومش موافقة خالص انى ارتبط بيه !! قولولى اعمل ايه ؟؟ ياريت الرد بسرعة عشان خاطرى...

اولا : شكرا لموضوعك
ثانيا : منورة النتدى
ثالثا : رائى فى موضوعك مامتك عندها حق واسمعى كلمها علشان متخسريش لو بيحبك وبيخاف عليكى هيبعدك عن الوسط اللى فيه اهله واخوه انتى انسانة غالية وليكى كرامه ماتفرطيش فى نفسك وتعيشى معاهم لمجرد انك بتحبيه كتر المشاكل او الخلافات هتخلى الحب يروح
دى وجهه نظرى ربما تكون صح وربما تكون غلط

بصراحة انا من رائ سحورة

مفيش حاجة اسمها هو غير اهلة

دة مجتمع وتصرفات واخلاق هو عايش فيها يعنى اكيد جواة شئ منها لكن يمكن بس لسة مظهرتش

لكن تأكدى فى اول موقف او خناق بينكم هتشوفى معاملة تانية خالص

ولو افترضنا جدلا ان هو فعلا غيرهم

فكرى فى ولادك مين هيكون جدهم ومين عمهم هل هما دول العائلة اللى تحبى ولادك يطلعو فيها ويتعايرو بعمامهم فى المستقبل

وعلى فكرة الظروف المادية مش مهمة ابدا ومش هى المشكلة لان قلة الفلوس مش عيب لكن الاخلاق اهم شئ


فكرى تانى واللى فية خير ربنا يقدمهولك

شوفو انتو عندكو حق فى كل اللى قولتوه وعلى رأى سحور فعلا هو كذا مرة قالى انتى ملكيش ذنب فى اللى بيحصل معايا ده وابعدى عنى وسبينى بس كان بيقولها غصب عنه لما يفيض بيه وكتير يقول انا عايز اعمل عشانك كل حاجة عشان بس صابرة معاه ومستحملة كل ده .... ده اول واحد اعرفه فى حياتى كلها ودول خمس سنين يعنى مش من قريب ولا حاجة هو اصلا مش عايش مع اهله فى البيت هو قاعد عند اخته واخلاقه كويسة والله مش بيسيب فرض الا وبيصليه فى الجامع ومش معقول بعد كل ده هبعد عنه واسيبه بسهولة كدة انا لو سبته هو هيضيع مش هيبقى عايش وممكن يعمل اى حاجة عشان ميضيعنيش من ايده

شوفى يابنتى طالما انك مقتنعة كدة يبقى اعملى المستحيل معاة وساعدية

وانتى بردو فى الاخر اكتر وحدة تعرفية عننا

وطالما انك مصرة يبقى متسأليش حد تانى واعملى اللى انتى حسة انو هيريحك حتى لو وقفتى ادام الناس كلها

وربنا يوفقكم